"Sent-Etyen"in müdafiəçisi: "Reynaldo möhtəşəm futbolçudur"

Kateqoriya: Avropa Liqası | Tarix: 19.09.2014 18:39

"Sent-Etyen"in müdafiəçisi Yohatan Brisonun Newsport.az saytına müsahibəsi...

- Bakıdan 1 xalla geri dönürsünüz. Oyun haqqında fikirləriniz?

- Bu oyun bizim üçün çox çətin oldu. Çünki "Qarabağ" çox yaxşı və güclü komandadır. Onların kifayət qədər güclü komandaları var. Bir xal bizim üçün yaxşı nəticədir. Çünki, bu gecə "Sent-Etyen" yaxşı oyun oynamadı.

- Oyundan əvvəl Bakıdan 3 xalla dönəcəyinizi düşünürdünüzmü?

- Əslində rəqib haqqında heç bir məlumatımız yox idi. Bu gecə əmin olduq ki, "Qarabağ" çox güclü komandadır.

- "Qarabağ"ın heyətində hansı oyunçunu daha çox bəyəndin ?

- Bu suala cavab vermək çox çətindir. Çünki "Qarabağ"ın heyətində olduqca güclü futbolçular var. Reynaldo möhtəşəm futbolçudur. Leroy Corc və Almeyda həmçinin. Yerli müdafiəçilərinizə söz ola bilməz.

- Azarkeşlərindən belə dəstək gözləyirdinizmi?

- Azarkeşlər möhtəşəm idilər. 90 dəqiqə dayanmadan komandalarına dəstək oldular. Bizim üçün onların səs-küyündən oyuna adapte olmaq çox çətin idi. Azərbaycanda futbolu belə sevdiklərini bilmirdim.

- Rəqib azarkeşlərlə "Sent-Etyen" azarkeşləri arasında hansısa fərqi hiss elədin?

- Düzünü deyim oyuna bu qədər marağın olacağını düşünmürdüm. Lakin "Sent-Etyen" azarkeşləri daha möhtəşəmdilər. Çünki onlar az sayda olsa belə, bizim dəstəkləməyə gəlmişdilər.

İlkin Sultanlı

Paylaş