Çempionlar Liqasında 2022/2023 mövsümünün qrup mərhələsinə start verilir.

Newsport.az məlumatına görə, Azərbaycan milli komandasının üzvü Mahir Emrelinin şərəfini qoruduğu "Dinamo" da bu gün ilk matçına çıxacaq. Zaqreb təmsilçisi E qrupunun ilk turunun oyununda doğma meydanda "Çelsi"ni qəbul edəcək. 

Bakı vaxtilə saat 20:45-də start götürəcək qarşılaşmada komandaların meydana çıxacağı heyətlər məlumdur. Baş məşqçi Ante Çaçiç Mahirə start heyətdə yer verməyib. 25 yaşlı hücumçu matça ehtiyat oyunçular skamyasında başlayacaq.