Çempionlar Liqasının 1-ci təsnifat mərhələsində "Qarabağ" - "Lex" oyunundan əvvəl Tofiq Bəhramov adına Respublika Stadionunda Vətən müharibəsi qazilərinin iştirakı ilə konsert proqramı olacaq.

Newsport.az-ın məlumatına görə, bu barədə Ağdam təmsilçisinin mətbuat xidməti məlumat yayıb. Klub görüşə gələcək azarkeşləri sürpriz gözlədiyini bildirib. Oyundan əvvəlki konsert proqramı 18:30-da başlayacaq. 

Qeyd edək ki, "Qarabağ" - "Lex" oyunu iyulun 12-si saat 20:00-da start götürəcək. Komandalar arasında ilk matç "Lex"in 1:0 hesablı qələbəsi ilə başa çatıb.