21 yaşadək futbolçulardan ibarət Azərbaycan milli komandası Avropa çempionatının seçmə mərhələsi çərçivəsində bu gün son matçına çıxacaq.

Newsport.az-ın məlumatına görə, Bernhard Lippertin komandası səfərdə Portuqaliyanın qonağı olacaq.

Son oyunda İsrailə 3:0 hesabı ilə qalib gələn yığmamız bu görüşdə də rəqibindən xal almağa çalışacaq. Millimiz qələbə qazanacağı təqdirdə turnir cədvəlinin üçüncü pilləsinə yüksələcək.

Qeyd edək ki, milli komandamız 7 oyundan sonra 7 xalla turnir cədvəlinin 4-cü pilləsində qərarlaşıb.

9 sentyabr

Avropa çempionatının seçmə mərhələsi

21:00. Portuqaliya - Azərbaycan  3:1

Qollar: 13 Rafa Silva, 55 Abdulla Abatsiyev, 82 Edqar

Hakimlər: Kleyton Pisani, Miçel Skerri, Luke Portelli, Adrian Azzopardi (hamısı Maltadandır)
Riu-Mayor şəhəri, "Municipal" stadionu.