Azarkeşləri “Sumqayıt”ı 1600 manat ziyana saldı

Kateqoriya: Ölkə futbolu | Tarix: 21.12.2021 14:33

Bu gün AFFA İntizam Komitəsinin iclası keçirilib. Newsport.az xəbər verir ki, iclasda Azərbaycan Premyer Liqasının 14-cü turunun oyunları ilə bağlı aşağıdakı qərarlar qəbul edilib:

“Qəbələ” – “Neftçi” oyununda “Qəbələ”nin futbolçusu Ruan Renato ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 200 manat cərimə olunub. “Neftçi”nin 4 futbolçusu sarı vərəqə ilə cəzalandırıldığı üçün klub 800 manat cərimə olunub.

“Sumqayıt” – “Keşlə” oyununun 80-ci dəqiqəsində “Sumqayıt”ın azarkeşləri tərəfindən meydançaya kənar əşya atıldığı üçün klub 1600 manat cərimə olunub.

“Qarabağ” – “Zirə” oyununda “Qarabağ”ın 4 futbolçusu sarı vərəqə ilə cəzalandırıldığı üçün klub 800 manat cərimə olunub.

Paylaş