Bu gün 21 yaşadək futbolçular arasında Avropa çempionatının seçmə mərhələsində növbəti oyunlara start veriləcək.

Newsport.az saytının məlumatına görə, milli komandamızın mübarizə apardığı 8-ci qrupda iki qarşılaşma keçiriləcək.

Son ev oyununda meydana çıxacaq Bernard Lippertin yetirmələri qrupda 2-ci pillədə qərarlaşan İsrail yığmasını “Dalğa Arena”da qonaq edəcək.

Qeyd edək ki, millimiz İsraillə səfər oyunda 2:7 hesablı məğlub olmuşdu.

Avropa çempionatının seçmə oyunu

8-ci qrup

3 sentyabr

19:00. Azərbaycan – İsrail 3:0

Qol: Ağabala Ramazanov, 22. Rəhman Hacıyev, 31; 87.

Hakimlər: Andris Treymanis, Aleksey Spasionikov, Raymonds Tatriks, Vitali Spasionnikov (hamısı Latviya)

Hakim-inspektor: Konrad Plautz (Avstriya)

UEFA nümayəndəsi: Volf Günter Vizel (Almaniya)

Bakı. “Dalğa Arena” stadionu