“Neftçi” klubunun Avropa Liqasının III təsnifat mərhələsində HİK-lə (Finlandiya) keçirəcəyi oyunun hakimləri müəyyənləşib.

Newsport.az UEFA-nın saytına istinadən xəbər verir ki, avqustun 3-də “Bakcell Arena”da baş tutacaq görüşün start fitini şotlandiyalı Uilyam Kolluma verəcək. Ona yan xətdə həmyerliləri  Devid Makgiçi və Şon Karr köməklik göstərəcək. Dördüncü hakim funksiyasını isə Yuan Anderson yerinə yetirəcək.