"Komandamızı təbrik edirəm. Qalib gəldik. Düzü, Avroliqada yaşadığımız uğursuzluqdan sonra, bizə biraz çətin oldu. Oyunun yorğunluğu hələ üzərimizdən çıxmamışdı".

Newsport.az saytına açıqlamasında bu sözləri Azərbaycan Premyer Liqasının "Neftçi" - "Simurq" (2:1) oyunundan sonra meydan sahiblərinin futbolçusu Mirhüseyn Seyidov deyib.

Gənc yarımmüdafiəçi həmçinin oyunda əsas olan 3 xalı qazanmaqlarının olduğunu bildirib:

"Sağ olsun uşaqlar Avroliqa məğlubiyyətindən sonra yaxşı mübarizə apardılar. Düzdür son dəqiqələrdə "Simurq" hücumların sürətini artırmışdı, amma əsas olan 3 xal idi, onu da şükürlər olsun qazandıq".