Lüksemburq - Azərbaycan oyunu yeni stadionda keçiriləcək

Kateqoriya: Ölkə futbolu | Tarix: 29.04.2021 11:41

Futbol üzrə Lüksemburq yığması 2022-ci il dünya çempionatının seçmə mərhələsində Azərbaycana qarşı ev oyununu yeni stadionda keçirəcək.

Newsport.az xəbər verir ki, bu barədə Lüksemburq bələdiyyəsinin sədri Lidi Polfer "Paperjam" nəşrinə açıqlamasında məlumat verib.

O bildirib ki, məqsədləri Lüksemburq - Azərbaycan oyununu yeni stadionda təşkil etməkdir.

"Stade de Luxembourg" arenasının inşasına 76 milyon avrodan çox vəsait xərclənib, azarkeş tutumu isə 9385-dir.

Qeyd edək ki, sentyabrın 1-də keçiriləcək Lüksemburq - Azərbaycan matçı Bakı vaxtı ilə saat 20:45-də başlayacaq.

Paylaş


Neftçi	Qarabağ	Sumqayıt	Kəpəz	Sabah	Araz-Naxçıvan	Səbail	Turan Tovuz	Zirə	Şamaxı

Orxan Məmmədov: “Bu, “Zirə” üçün böyük uğurdur”