"Melodramma janrında olan filmdə xərçəng xəstəliyinə düçar olmuş iki gəncin həyatından bəhs olunur. Artıq çəkilişlər başa çatıb. Filmin rejissoru Ramil Ağasıyev, ssenari müəllifi isə mənəm. Yaxın zamanda filmin anons və treylerləri ictimaiyyətə təqdim ediləcək".

Bu sözləri Newsport.az saytına açıqlamasında "Arzuların ardınca" filminin ssenari müəllifi Mehman Rəsul deyib.

O, həmçinin gələcəkdə futbol haqqında film çəkib-çəkməyəcəyini də bildirib:

"Əvvəlcə sizə və idman sahəsində çalışan digər jurnalist həmkarlarıma təşəkkür edirəm ki, bizə dəstək olurlar.

Filmə gəldikdə isə əgər bu mövzu hansısa rejissorun diqqətini çəksə ona köməyimi əsirgəmərəm. Ortaya maraqlı nəsə çıxarmaq olar".