Newsport.az saytının məlumatına görə, oyundan sonra təşkil olunan mətbuat konfransında qonaqların baş məşqçisi Tərlan Əhmədov yeni futbolçuların komandaya uyğunlaşmadığını bildirib:

 “İlk turdan fərqli olaraq, bu günkü oyunda mübarizə aparıb qələbə qazanmaq istəyirdik. Lakin görünür ki, əsas heyətin iki üzvünün olmaması oyunumuza təsir etdi. İlk 35 dəqiqədə komanda, sanki, özündə deyildi, son 10 dəqiqəsində isə komanda özünə gəldi. Hər halda, “Simurq”u layiqli qələbə ilə təbrik edirəm. İkinci hissədə Kordobanın qol imkanı oldu, lakin epizoddan istifadə edə bilmədi. Mövsüm uzundur, qarşıdakı oyunlara baxacağıq. Legioner oyunçular komandaya tam uyğunlaşmayıb. Yaxın günlərdə daha bir hücumçu da komandamıza cəlb olunacaq. Öz oyunumuzu göstərmək bizə müəyyən vaxt lazımdır”.