Azərbaycan millisi FİFA reytinqində 50-ci pilləyə yüksələ bilər!

Kateqoriya: Ölkə futbolu | Tarix: 15.08.2014 10:20

Azərbaycan millisinin növbəti FİFA reytinqindəki perspektivi bəllidi.Newsport.az saytının məlumatına görə, dünən açıqlanan siyahıdan növbəti cədvələdək olan dövrdə komandamız 3 oyun keçirəcək.

Avqustun 20-də Özbəkistan, sentyabrın 3-də Rusiya ilə yoldaşlıq oyunu, 8-də Bolqarıstanla AVRO-2016-nın seçmə matçına çıxacaq yığmamızın növbəti reytinqdəki mövqeyi bu qarşılaşmaların nəticələrindən asılıdı.

Artıq indidən bu görüşlərin dəyəri bəllidi. Asiyalılar üzərində qələbə 415, heç-heçə 139 xal gətirəcək. Rusiya ilə oyunda bu rəqəmlər 531 və 177-yə bərabərdi. Bolqarıstanla qarşılaşmanın dəyəri isə daha yüksəkdi - 960 və 320.

Təbii ki, bu 3 oyunda qazanılacaq xallar ümumi hesaba yazılacaq. Nəticədə isə hazırda 413 xalla dünyanın 73-cüsü olan komandamızın vəziyyətinə aydınlıq gələcək.

Berti Foqtsun yetirmələri hər 3 oyunda qalib gəlsə, ümumi xalımız 540-a çatacaq. Bununla neçənci yerdə olacağımızı proqnozlaşdırmaq asan deyil. Amma indiki cədvəldə 540 xal 50-ci olmaq üçün yetərli idi. Bu üzdən bir ay sonrakı cədvəldə toplanan xalın indiki siyahıda tutmağa imkan verdiyi yeri “təxmini mövqe” kimi qəbul etmək olar.

Bu da o deməkdir ki, millimiz 50-ci yerə qədər yüksələ bilər. Ən pis halda, hər 3 oyunda uduzsa isə “100-lüy”ü tərk etməyəcək. Ümumilikdə isə 3 qarşılaşma üçün 27 variant mümkündür.

Özbəkistan	Rusiya	Bolqarıstan	Xal	“təxmini mövqe”
2	2	2	540	50
2	2	1	469	65
2	2	0	434	71
2	1	2	501	56
2	1	1	430	72
2	1	0	394	79
2	0	2	481	62
2	0	1	410	75
2	0	0	375	84
1	2	2	510	54
1	2	1	439	68
1	2	0	403	78
1	1	2	470	65
1	1	1	399	78
1	1	0	364	88
1	0	2	451	66
1	0	1	380	83
1	0	0	344	93
0	2	2	494	58
0	2	1	423	73
0	2	0	388	80
0	1	2	455	66
0	1	1	384	80
0	1	0	348	92
0	0	2	435	71
0	0	1	364	88
0	0	0	329	99