"Hər 3 komandanın qrupdan çıxmaq şansı var. Eləcə də bizim. Demək olar ki, "İnter" qrupdan çıxmaq yolunda böyük bir addım atıb. Qalır bizimlə birlikdə 3 komanda ki, şanslarımız da var. Çalışırıq ki, qələbə qazanıb qrupdan çıxmaq yolunda bir addım ataq".

Bu sözləri newsport.az-a açıqlamasında "Qarabağ"ın futbolçusu Şəhriyar Əliyev deyib.

Ağdam klubunun üzvü 2 oyunda qazanılan bir xlaı pis saymır və Ukraynadan yaxşı nəticə ilə dönmək istədiklərini bildirib:

"İki oyunda qazandığımız bir xal pis deyil. İndi diqqətimizi "Dnepr"lə oyuna yönəltmişik. İnanıram ki, səfərdən yaxşı nəticə ilə Bakıya qayıdacağıq. Biz Ukraynadan xalla qayıtmaq üçün bütün gücümüzü ortaya qoyacağıq".