"Simurq" Georgi Çixradzenin postundan getməsi ilə bağlı yayılan xəbərləri rəsmən yalanlayıb.

Newsport.az-a açıqlama verən klubun mətbuat xidmətinin rəhbəri Rüstəm Allahverdiyev bu xəbərin yalan olduğunu bildirərək, gürcüstanlı mütəxəssisə güvəndiklərini və ona növbəti dəfə şans verdiklərini bildirib:

"Bunlar hamısı boş söhbətlərdi. Deyirlər Emin Ağayev "Simurq"a gəlir. Eminin "Simurq"a gələcək qədər təcrübəsi yoxdu. Klub rəhbərliyi Çixradzeyə inanır və bu gün komandanın başındadı. Çixradzenin komandanı bu vəziyyətdən çıxaracağına inanırıq".