Kaxaber Sxadadze: "Qələbəni unutmalıyıq" AÇIQLAMA

Kateqoriya: Ölkə futbolu | Tarix: 11.08.2014 00:28

Topaz Premyer Liqasının ilk turunda “İnter” öz meydanında “Qəbələ” ilə qarşılaşdı. Cari mövsümdəki Avroliqada təmsilçilərimizin duelindən bakılılar inamlı qələbə ilə ayrıldı – 4:0.

Newsport.az saytının məlumatına görə, oyundan sonra keçirilən mətbuat konfransında meydan sahiblərinin baş məşqçisi Kaxaber Sxadadze qələbə münasibəti ilə komandasını təbrik edib:

“Çempionatın başlaması ilə hamını təbrik edirəm. Ötən mövsüm olduğu kimi, bu il də maraqlı keçəcəyinə inanıram. Avroliqada oynadığımız 4 oyun öz sözünü dedi. Futbolçuların bir-biri ilə anlaşması rəqibdən daha yaxşı idi. Oyuna yaxşı nəzarət edirdik. İlk hissənin son 7 dəqiqəsində isə tələsirdik. Hücuma keçib qol vurmaq istəyirdik. İkinci hissənin də ilk 5 dəqiqəsində xaotik oynayırdıq. Futbolçulara gözəl oyuna görə minnətdaram. Gözəl oyun və yaxşı nəticədən məmnunam. Eyforiyaya qapılmaq lazım deyil. Bu qələbəni unudub, qarşıdakı oyunlara baxmalıyıq”.

Paylaş