Rauf Əliyev: "Əsgər salamı verməyə borclu idim" MÜSAHİBƏ

Kateqoriya: Ölkə futbolu | Tarix: 10.08.2014 12:30

Topaz Premyer Liqasının I turunda AZAL-la görüşdə (1:1) qələbəni əldən verən “Xəzər Lənkəran” klubunun hücumçusu Rauf Əliyevin Newsport.az saytına müsahibəsi

- Qalib gəlməyə çox yaxın olsanızda, sonda 1 xalla kifayətləndiniz...

- Hər şey bizim üçün çox yaxşı başlamışdı, 1:0 hesabı ilə qalib gəlirdik, rəqib 1 nəfərdə azlıqda idi. Fikirləşirəm ki, qırmızı vərəqə bizi arxanyınlaşdırdı. Gözləmədiyimiz anda qol buraxdıq. İlk oyunda 3 xal bizə çox vacib idi, amma alınmadı.

- Rəqibin hücumları daha kəsərli olurdu, düşünmürsən ki, 1 xal qazandınız?

- Əlbəttə ki, 2 xal itirdik, çünki 1:0 hesabı ilə qalib gəlirdik və rəqib 10 nəfərlə mübarizə aparırdı. Düzdür ilk hissədə AZAL daha çox hücum edirdi, lakin qoldan sonra təşəbbüsü tamamilə ələ almışdıq.

- "Xəzər Lənkəran"da ilk rəsmi oyununu necə qiymətləndirirsən ?

- O qədər də yüksək təsir bağışlaya bilmədim, amma şükürlər olsun ki, qol vurdum. Lakin qol vurmağıma baxmayaraq sonda sevinə bilmədim.

- Qoldan sonra əsgər salamı verdin...

- Bu, Qarabağda şəhid olan şəhidlərimizin xatirəsinə bir jest idi. Qol vurduqdan son əsgər salamını verməyə borclu idim.

- "Xəzər Lənkəran"ın heyətində ilk rəsmi oyunda, çempionatın ilk qounu vurdun. "Xəzər Lənkəran" azarkeşlərinə sonda bombardir olacağına söz verirsənmi ?

- İndidən söz verməyim düzgün deyil. Hələ ilk turdu, qarşıda uzun marafon var. Amma komandanın yaxşı nəticə əldə etməsi üçün əlimdən gələni edəcəyimə söz verirəm.

İLKİN SULTANLI

Paylaş