"İki fərqli hissə izlədik. Komandam ilk hissədə daha yaxşı oynadı. Üstünlük bizdə idi. Amma ikinci hissədə səhvlər etdik”.

Newsport.az-ın məlumatına görə, bu sözləri “Sumqayıt” klubunun baş məşqçisi Aqil Məmmədov “Simurq”a məğlub olduqları (2:3) oyundan sonra keçirdiyi mətbuat konfransında deyib.

Gənc çalışdırıcı futbolçularından ciddi şəkildə narazılığını ifadə edib: “ Əvəzetmədən  meydançaya çıxan oyunçular heç nə ilə yadda qalmadılar. Həmin futbolçularla ciddi söhbət edəcəyəm. Bizim gənclərimizin düşüncəsi fərqlidir. Onlar bu günlə yaşayırlar, gələcəyi düşünmürlər. Belə olmaz. Futbol belə oynanılmır".