UEFA Çempionlar Liqasının Liqa mərhələsində "Qarabağ"ın rəqiblərindən olan "Ayntraxt" ciddi itki ilə üzləşib.

Newsport.az xəbər verir ki, Frankfurt təmsilçisinin hücumameyilli yarımmüdafiəçisi Can Uzun sıradan çıxıb.

Türkiyəli futbolçu 9-cu turunun "Haydenhaym"la matçında zədələnib. 19 yaşlı oyunçu təxminən 5 həftə yaşıl meydanlardan uzaq qalacaq.

Can Uzun bu mövsüm komandanın heyətində keçirdiyi 14 oyunda 6 qqol vurub, 4 qol ötürməsi edib.

Qeyd edək ki, "Qarabağ"ın "Ayntraxt"la oyunu gələn il yanvarın 21-də Bakıda baş tutacaq.