FIFA milli komandaların oyunları ilə bağlı təqvimdə dəyişiklik edib.

Newsport.az xəbər verir ki, bu barədə “The Athletic” nəşri məlumat yayıb. Qurum 2026-2030-cu illərdə milli komandaların sentyabr və oktyabra nəzərdə tutulan oyunlarını birləşdirəcək. Belə ki, həmin ərəfədə çempionatlarda 2 həftə deyil, 3 həftəlik fasilə olacaq və bu müddətdə yığmaların oyunları olacaq.

Nəticədə ölkə liqalarında, o cümlədən Azərbaycan liqasında 21 sentyabrdan etibarən təxminən üç həftə fasilə yaranacaq. 

Xatırladaq ki, hazırda sentyabr-oktyabrda ayrı-ayrı 2 beynəlxalq fasilə mövcuddur. Fasilələr biri sentyabrın ilk tam həftəsində, digəri isə oktyabrın ikinci tam həftəsində başlayır. Hər milli komanda bu fasilələrdə maksimum iki oyun keçirə bilir.