Bu gün Azərbaycan Premyer Liqasının 6-cı turunda "İnter" - "Bakı"nı darmadağın edib (7:0).

Newsport.az saytının məlumatına görə, oyundan sonra təşkil edilən mətbuat konfransında meydan sahiblərinin baş məşqçisi Kaxaber Sxadadze matç barəsində fikirlərini bildirib:

"Bu oyun psixoloji cəhətdən bizim üçün çox əhəmiyyətli idi. Çünki "Qarabağ" qrupa düşəndən sonra "Bakı" ilə xal itirmişdi. Qonaqlar həmişə təhlükəli komanda olub. 3 qol vursaqda, paslarda müəyyən səhvlər var idi. Buna görə, oyunda əsəbi görsənirdim. Sevindirici haldır ki, oyun 7:0 hesabı ilə başa çatdı. Oyunçularım müxtəlif mövqelərdən baxımlı qollar vurdular. Buna görə onların hər birinə təşəkkür edirəm. Lakin həmişə dediyim kimi bu oyunu unudub, gələn tur haqqında düşünməliyik".