“Bilirdik ki, çox çətin olacaq. Mübariz komandaya qarşı oynadıq”.

Newsport.az saytının PFL-in saytına istinadən verdiyi məlumata görə, bu sözləri “Sumqayıt”ın baş məşqçisi Aqil Məmmədov Premyer Liqanın beşinci turunda “Bakı”ya səfərdə 2:1 hesabı ilə qalib gəldikləri oyun haqda danışarkən deyib.

Məmmədov həmçinin ilk hissədə komandanın oyunundan razı qalmadığını bildirib:

“İlk hissədə komandamdan razı qalmadım. İkinci hissədə isə toparlandıq və lazımi nəticəni əldə etdik. Bu oyunda azarkeşlərin də dəstəyini hiss elədik. Oyunun gedişində zədə alan Slavik Alxasovun vəziyyəti ciddi deyil. Yaxın günlərdə komandaya qoşulacaq”.