17 yaşadək oğlanlar arasında keçiriləcək dünya çempionatının oyunlarını idarə edəcək hakimlər müəyyənləşib.

Newsport.az-ın məlumatına görə, bu barədə FİFA-nın rəsmi saytında məlumat yayılıb.

Məlumata əsasən mundialda iş başında olacaq hakimlərdən yeddisi qadındır. Onlar dördüncü hakim funksiyasını yerinə yetirəcəklər. 

Bu, FİFA-nın bayrağı altında qadın hakimlərin kişilərin yarışında ilk idarəçiliyi kimi tarixə düşəcək.

Qeyd edək ki, ümumilikdə dünya çempionatına 6 konfederasiyanı təmsil edən 21 hakim dəvət alıb.