“Real” braziliyalı yarımmüdafiəçisi Lukas Silvanı icarəyə verib.

Newsport.az xəbər verir ki, 23 yaşlı futbolçu karyerasını ölkəsində davam etdirəcək. Silva yetişdiyi “Kruzeyro” klubuna keçib. O, A Seriya klubunda 1,5 illik icarə əsasında çıxış edəcək.

Qeyd edək ki, “Kruzeyro”nun yetirməsi olan Lukas Silva 2015-ci ilə kimi bu komandada çıxış etmiş, daha sonra “Real”a keçmişdi.

O, ötən il ürəyində olan problemə görə karyerasını bitirmək qərarına gəlsə də, sonradan fikrindən dönmüşdü.