"İnter Mayami" MLS-in müntəzəm mövsümündə Şərq Konfransının II pilləsi uğrunda "Nyu-İnqlend Revolyuşn" ilə mübarizə aparır və bu gecə səfərdə həmin komanda ilə oynayacaq.

Newsport.az xəbər verir ki, Lionel Messi "Sinsinnati" ilə qarşılaşmada (2:2) aldığı və onun üçün daxili çempionatdakı beşinci olan sarı vərəqəyə görə bu görüşü buraxmalı idi. ​Adi şəraitdə Messini bir matçlıq diskvalifikasiya gözləyirdi.

​Lakin MLS-in reqlamentində oyunçulara uzun müddət ərzində xəbərdarlıq almadıqları təqdirdə, aldıqları sarı vərəqələrin sayını azaltmağa imkan verən bənd var. ​Beləliklə, bu az tanınan qayda sayəsində Messi mövsümün həlledici mərhələsində diskvalifikasiyadan yayına bilib.

Qeyd edək ki, ​"Nyu-İnqlend Revolyuşn" - "İnter Mayami" matçı noyabrın 2-də, Bakı vaxtı ilə saat 04:00-da baş tutacaq.