Luis Enrike PSJ-nin baş məşqçisi kimi qazandığı qələbələrin sayına görə yeni rekorda imza atıb.

Newsport.az xəbər verir ki, bu gün qapıçı Matvey Safonovun çıxış etdiyi Paris təmsilçisi Fransa Liqa 1-in 9-cu turunda “Havr”ı 5:1 hesabı ilə darmadağın edib. Bununla da ispaniyalı mütəxəssisin PSJ-nin baş məşqçisi kimi bütün turnirlərdə qazandığı qələbələrin sayı 127-yə çatıb.

Enrike 126 qələbə ilə əvvəlki rekordun sahibi olan Loran Blanın göstəricisini geridə qoyub.