“Çelsi”nin qapıçısı Emiliano Martines Premyer Liqada “Everton”la matçda aldığı zədədən sonra səhhəti barədə məlumat verib. Argentinalı futbolçunun toqquşma nəticəsində çənə sümüyü sınıb.

Newsport.az xarici KİV-ə istinadən xəbər verir ki, o, sosial şəbəkə hesabında əməliyyatının uğurlu keçdiyini bildirib:

“Dəstəyiniz üçün hamınıza təşəkkür edirəm. Əməliyyat uğurlu keçdi. Ən əsası odur ki, biz qalib gəldik. Bir neçə həftədən sonra geri qayıdacam”.

“Çelsi” səfərdə “Everton”u 2:0 hesabı ilə məğlub edib. Komanda bu qələbə ilə xallarının sayını 13-ə çatdıraraq Premyer Liqanın turnir cədvəlində 4-cü pillədə qərarlaşıb.