Argentina millisinin və “İnter”in sabiq futbolçusu Xavyer Zanetti, Lionel Messinin bu il “qızıl top” mükafatını qazanacağına ümid etdiyini bildirib.

Newsport.az xarici KİV-ə istinadən xəbər verir ki, o, həmyerlisi haqda bunu deyib:

“Ümid edirəm ki, Messi qalib gələcək. Onun 39 yaşında göstərdiyi şeylər böyük mükafata layiqdir. Bu, onun karyerasının layiqli sonluğu olacaq”.

Messinin kapitanı olduğu Argentina millisi 2026-cı il dünya çempionatında iyulun 15-də, yarımfinalda İngiltərə yığması ilə qarşılaşacaq.