Fransa millisinin baş məşqçisi Didye Deşam, Kilian Mbappenin meydandakı mövqeyi ilə bağlı müzakirələrə münasibət bildirib.

Newsport.az xarici KİV-ə istinadən xəbər verir ki, fransalı mütəxəssis, Mbappenin mərkəz hücumçusu kimi çıxış etməsini tənqid edənlərə istehzalı cavab verib:

“Mən axmaq olmalıyam! Ondan son üç ildə klub səviyyəsində mərkəz hücumçusu kimi istifadə edən məşqçilər də axmaqdırlar. O, PSJ-dəki son mövsümündə və “Real”dakı hər iki mövsümündə həmin mövqedə oynayıb”.

Fransa millisi dünya çempionatının qrup mərhələsində ilk oyununu iyunun 16-da Seneqal yığmasına qarşı keçirəcək.