FİFA qarşıdan gələn dünya çempionatında matçları canlı izləməyi planlaşdıran azarkeşlər üçün yeni, olduqca sərt məhdudiyyətlər tətbiq edib.

Newsport.az xəbər verir ki, "Daily Sport" nəşrinin məlumatına görə, futbol qurumu 2026-cı il dünya çempionatında stadionlara hər hansı növ su şüşələrinin gətirilməsini rəsmən qadağan edib. Arenalara giriş qaydaları əhəmiyyətli dərəcədə sərtləşdirilib. Əvvəlki turnirlərdə azarkeşlərə tutumu 1 litrə qədər olan boş, şəffaf plastik şüşələri tribunalara aparmağa icazə verilsə də, artıq bu güzəşt tamamilə ləğv edilib.

Genişmiqyaslı qadağaya həmçinin stəkanlar, dəmir bankalar və mayelər üçün nəzərdə tutulmuş istənilən növ digər qablar da daxildir.

Qeyd edək ki, FİFA bu radikal qərarı təhlükəsizliyin təmin edilməsi ilə əsaslandırıb.