“Atletiko”nun hücumçusu Xulian Alvares İngiltərəyə qayıda bilər.

Newsport.az “Teamtalk”-a istinadən xəbər verir ki, “Arsenal” və “Çelsi”nin skautları “Atletiko”nun “Tottenhem”lə UEFA Çempionlar Liqasının 1/8 final mərhələsinin cavab matçında argentinalı futbolçunun oyununu canlı izləyiblər.

Qarşılaşma 3:2 “Tottenhem”in qələbəsi ilə başa çatsa da, iki matçın cəminə görə (7:5) “Atletiko” növbəti mərhələyə yüksəlib.

Alvares artıq klub rəhbərliyinə getmək istədiyini bildirib, ancaq o, üstünlüyü daha çox “Barselona”ya verir. 26 yaşlı futbolçu əvvəllər “Mançester Siti”də çıxış edib.