“Çelsi”, “Real” və Belçika millisinin keçmiş yarımmüdafiəçisi Eden Hazard VAR sistemi ilə bağlı fikirlərini bölüşüb.

“VAR-dan qurtulardım. Xoşuma gəlmir, məni qıcıqlandırır. Futbolun emosiyalarını alır … halbuki əvvəlki problemlər yerində qalır.
Futbolda ədalətsizliyin də özünəməxsus müəyyən cazibəsi var. Hətta biz azarkeşlərə qarşı yönəldikdə qəbul etmək çətin olsa da belədir. VAR çox emosiyanı aradan götürür.

Mən Torqan Hazardın oyununu izləyirdim: “Leuven”in futbolçusu əla qol vurdu, amma hesablanıb-hesablanmayacağını bilmək üçün beş dəqiqə gözlədi və yalnız bundan sonra qolu qeyd etdi. Bu, çox pisdir. Ona görə də, bir daha söyləyirəm ki, VAR-dan qurtulardım”, – deyə Hazard qeyd edib.