Müqavilə ilə “Real”a məxsus olan və icarə əsasında Lion “Olimpik”ində çıxış edən Endrik yanvar ayı üçün Fransa Liqasında ən yaxşı futbolçu seçilib.

Newsport.az xəbər verir ki, bu barədə yarışın mətbuat xidməti məlumat yayıb.

Braziliyalı forvard Fransa çempionatında yanvar ayında 2 oyuna çıxıb, 3 qol vurub və 1 məhsuldar ötürmə edib.

Endrik cari mövsümün sonunadək “Olimpik”in uğurları üçün çalışacaq. O, indiyə qədər bu komandada 6 oyuna 5 qol və 1 assist müəllifi olub.