Azərbaycan Premyer Liqasının IX turunda "Qarabağ" "Neftçi"yə qalib gəlib - 4:0.

Qarşılaşmadan sonra Ağdam klubu sosial şəbəkə hesabları vasitəsilə "Neftçi"yə atmaca atıb. Daha doğrusu, "ağ-qaralar"ın "Squid Game" ("Kalmar oyunu") motivli promo videosuna cavab verilib.

"Qarabağ" sosial şəbəkə hesabında adıçəkilən serialdakı oyunlardan birinin fotosunu paylaşaraq "Oyunçu 1937 uduzdu" sözlərini qeyd edib. Bununla 1937-ci ildə yaranan "Neftçi"nin məğlubiyyəti ifadə edilib. Fotoya isə "Biz "Kalmar oyunu"nu deyil, "Kayrat"la oyunu düşünürük" sözləri yazılıb. Ağdam təmsilçisi "Neftçi"dən fərqli olaraq Konfrans Liqasının qrup mərhələsində iştirak etdiyini qabardıb.