"Qalib gəlməyə gəldik. Birinci hissəyə yaxşı başladıq. İkinci hissədə də ruhdan düşmədik, ancaq nəsə düzgün getmədi. İşləmək, səhvlərimizi düzəltmək və gələcəkdə daha yaxşı çıxış etməliyik". 

Newsport.az xəbər verir ki, bu sözləri "Omoniya"nın futbolçusu Şehu Abdullah Konfrans Liqasının qrup mərhələsinin 2-ci turunda "Qarabağ"a 1:4 hesabı ilə uduzduqları oyundan sonra deyib.

"Xüsusilə azarkeşlərimizin qarşısında bu şəkildə mübarizə aparmamalıydıq. Məsuliyyət biz futbolçuların üzərinə düşür. Oyunlarımızda belə səhvlər yolverilməzdir, bu cür qollar buraxmamılıyıq" - deyə o bildirib.