“Bazel”in qapıçısı Haynts Linder Konfrans Liqasının H qrupunda “Qarabağ”a qarşı keçirilən oyun barədə danışıb.

Newsport.az xəbər verir ki, qolkiper Ağdam klubuna qarşı Bakıda keçirilən oyun barədə bunu deyib:  “Gözlədiyimiz kimi çətin oyun alındı. Hətta lap çətin idi. Xüsusilə də, fasilədən sonra “Qarabağ”ın yüksək təzyiqini hiss etdik.

Rəqibimiz dayanmadan pressinq edərək, hücumlara çıxırdı. Dayanmaq çətin idi. Bütün bunları nəzərə alsaq, nəticədən razı qalmaq olar”.