Antalyada təlim-məşq toplanışını davam etdirən “Qarabağ” klubu bu gün ikinci yoxlama oyununa çıxacaq. 
 
Newsport.az-ın məlumatına görə, Ağdam təmsilçisi bu dəfə bu mövsüm Avroliqanın qrupunda oynamış İsveçrə futbolunun nəhənglərindən olan "Sürix" klubu ilə üz-üzə gələcək.

Bu matçın start fiti Bakı vaxtı ilə saat 19:00-da veriləcək.

Qeyd edək ki, ilk yoxlama görüşündə Xorvatiyanın "RNK Split" klubu ilə qarşılaşan "Qarabağ" rəqibinə 1:3 hesabı ilə uduzub.

Əlavə edək ki, “Qarabağ” – “Sürix” oyunu Ağdam klubunun rəsmi Youtube kanalı vasitəsi ilə canlı yayımlanır.

21 yanvar

Yoxlama oyunu

19:30. "Qarabağ" (Azərbaycan) - "Sürix" (İsveçrə) - 1:1 
Qol: Marko Şembela, 28 (0:1),Reynaldo, 81 (1:1)