“Elə oyunlar var ki, daha çox mübarizə aparmalısan. Biz bu gün fiziki cəhətdən güclü, yaxşı müdafiə olunan komandaya qarşı oynadıq”.

Newsport.az-ın PFL-in saytına istinadən yaydığı xəbərə görə, bu sözləri “Xəzər Lənkəran” klubunun baş məşqçisi Oğuz Çətin “Simurq”la oyundan sonra deyib.

Türkiyəli mütəxəssis komandasının inkişafda olduğunu bildirib: “Mübarizə aparmaqla yanaşı, qol vurmaq çox önəmlidir. Son oyunlarda rəqibdən asılı olmayaraq, qol vururuq. Rəqiblərimizlə xal fərqini aradan qaldırmaqdayıq. Məqsəd fasilədən istifadə edib, növbəti görüşlərə daha yaxşı hazırlaşmaqdır”.