Daha bir legioner “Qarabağ”ı tərk edə bilər.

Newsport.az xəbər verir ki, söhbət Kamilo Durandan gedir.

"The Scottish Sun" qəzetinin məlumatına görə, 24 yaşlı kolumbiyalı hücumçu Şotlandiyanın "Seltik" klubunun diqqətini cəlb edib.

Qlazqo klubunun Ağdam klubuna rəsmi təklif verib-vermədiyi hələlik məlum deyil. Lakin "Qarabağ"ın Duran üçün ən azı 2 milyon funt (təxminən 4,5 milyon manat) gəlir əldə etmək niyyətində olduğu bildirilir.

Kolumbiyalı ötən yaydan bəri Ağdam klubunda oynayır və bütün yarışlarda 15 qol vurub.