“Arsenal”ın baş məşqçisi Mikel Arteta “topçular”ın yarımmüdafiəçisi Tomas Partinin zədə səbəbindən mövsümün qalan hissəsini buraxa biləcəyini açıqlayıb.

Newsport.az-ın məlumatına görə, ispan mütəxəssis, futbolçu ilə bağlı vəziyyətin nikbin görünmədiyini bildirib:

“Növbəti müayinədən sonra aldığımız xəbər o qədər də yaxşı deyil. Mövsümün sonuna qədər Tomasın yenidən meydana çıxa biləcəyi inandırıcı görünmür. Amma biz gözləyəcəyik və ümid edəcəyik. Parti mümkün qədər tez qayıtmağa çalışacaq. Lakin indi hər şey heç də nikbin görünmür”.