“Mançester Yunated”in oyunçusu Pol Poqbanın evi qarət olunub.

Newsport.az xəbər verir ki, hadisə 2 gün əvvəl “Atletiko” ilə Çempionlar Liqasının “Old Trafford”dakı  1/8 finalın təkrar görüşünün gedişatı zamanı baş verib.

Fransalı futbolçu Tvitter hesabında yazıb ki, qarətçilər evə daxil olanda onun uşaqları yataq otağında yatırmışlar: “Onlar evdə 5 dəqiqədən az olsalar da, bizim üçün qiymətli olan hər şeyi - hisslərimizi və təhlükəsizliyimizi aparıblar. Bir ataya öz övladlarını qoruya bilməmək imkanının olmamasından pis anlar ola bilməz”.

Poqba qarətçilər haqda məlumatı olub ona xəbər verən şəxsləri mükafatlandıracağını bildirib.