"Çelsi"nin yarımmüdafiəçisi Nqolo Kante koronavirusa yoluxmaq qorxusundan məşqə çıxmayıb. Newsport.az “Daily Mail”ə istinadən xəbər verir ki, fransalı futbolçu çərşənbə axşamı komanda ilə çalışmalara qoşulsa da, bir gün sonra hazırlıqdan imtina edib.

Bildirilir ki, London təmsilçisinin baş məşqçisi Frank Lampard 28 yaşlı futbolçunun bu qərarını anlayışla qarşılayıb. Premyer Liqada yeni qaydalara görə, klublar koronavirusa yoluxmaqdan ehtiyat edən oyunçuları məşqə çıxmağa məcbur edə bilməzlər.

Kante cari mövsüm "Çelsi"də 18 oyun keçirib və 3 qol vurub.