Azərbaycan millisinin futbolçusu Ufuk Budak “Altınordu”da qala bilər. Newsport.az xəbər verir ki, Türkiyə klubu müdafiəçiyə yeni müqavilə təklif edib.

İzmir təmsilçisi sözləşməsi mövsüm sonunda bitəcək olan 7 oyunçudan 5-ni saxlamaq niyyətindədir. Onların arasında Ufukun da adı var. Klub rəhbərliyinin gələn həftə futbolçularla görüşəcəyi bildirilir.

Qeyd edək ki, Ufuk Budak “Altınordu”ya ötən ilin yayında “Boluspor”dan keçib. 30 yaşlı müdafiəçi 2011-ci ildən Azərbaycan millisində çıxış edir.