"Fənərbaxça" Superliqanın 9-cu turunda "Konyaspor"la oyuna ciddi itki ilə çıxacaq.

Newsport.az-ın məlumatına görə, İstanbul təmsilçisinin futbolçusu Maks Kruze zədə səbəbi ilə meydanda olmayacaq. Zədəsini yenicə bərpa edib, komandayla məşqlərə qoşulan 31 yaşlı hücumçu dünənki məşqdə ağrı hiss edərək, məşqi yarımçıq buraxıb. Onun ən azı, 3 həftə yaşıl meydanlardan kənarda qalacağı bildirilib.

Qeyd edək ki, "Fənərbaxça" 8 turdan sonra 14 xalla 3-cü pillədə qərarlaşıb.