Türkiyə Superliqasının yeni mövsümünə hazırlaşan "Bursaspor" təlim-məşq toplanışı çərçivəsində növbəti yoxlama matçını keçirib. 

Newsport.az-ın məlumatına görə, Azərbaycan yığmasının hücumçusu Dəniz Yılmazın komandası bu dəfə aşağı liqa təmsilçilərindən "Keçiörengücü" klubu ilə qarşılaşıb. Oyun futbolçumuzun komandasının inamlı qələbəsi ilə başa çatıb - 4:0.

Baş məşqçi Pol Le Quen yığmamızın forvardına da bu oyunda start heyətdə şans verib. 71-ci dəqiqədə əvəzlənən Yılmaz 33-cü dəqiqədə komandasının 2-ci qolunu vurub. O, ilk qol epizodunda da məhsuldar ötürmə ilə yadda qalıb.

Azərbaycanın gənclərdən ibarət millisinin futbolçusu Ozan Can Kökcü isə bu görüşdə şans qazanmayıb.