Türkiyənin “Bursaspor” klubunda növbəti baş məşqçi istefası reallaşıb.

Newsport.az-ın məlumatına görə, “yaşıl timsahlar”ın baş məşqçisi Adnan Örnək istefa verib.

O, çempionatın sonuna 1 tur qalmış, “Gənclərbirliyi”nə məğlubiyyətdən sonra istefa verdiyini açıqlayıb. Gənc mütəxəssis “beİN Sports”a verdiyi açıqlama zamanı göz yaşlarını da saxlaya bilməyib: “Bursa mənim doğulduğum, böyüdüyüm şəhərdi. Əlimdən gələni etdim, amma alınmadı. Düşünürəm ki, komandanı şokdan çıxarmaq üçün yeni baş məşqçi lazımdır. Mən bacarmadım, burda olduğum 4 həftədə heç nə edə bilmədim. Prezidentlə danışıb, komandadan gedəcəm”.

Qeyd edək ki, “Bursaspor”  millimizin baş məşqçisi Robert Prosineçki ilə danışıq aparır. Onun yeni mövsümdən “Bursaspor” “sükanı arxası”na keçəcəyi gözlənilir.