Gürcüstanın paytaxtı Tbilisidə keçirilən cüdo üzrə Böyük Dəbilqə turnirinə bu gün yekun vurulacaq.
Newsport.az-ın məlumatına görə, yarışın son günündə Azərbaycan millisinin 2 üzvü mübarizə aparacaq.
Vüqar Talıbov (90 kq) 1/16 finalda Birləşmiş Ərəb Əmirlikləri təmsilçisi Aram Qriqoryanla, Camal Qamzatxanov (+100) isə 1/8 finalda İqnas Meçajus (Litva) / İrakli Demetraşvili (Gürcüstan) cütünün qalibi ilə üz-üzə gələcək.
Qeyd edək ki, turnirdə Azərbaycan yığmasından Turan Bayramov (60 kq) qızıl, Gültac Məmmədəliyeva (52 kq) bürünc medal qazanıb.