Cüdo üzrə Azərbaycan millisinin heyətində dəyişiklik edilib. Newsport.az Azərbaycan Cüdo Federasiyasının mətbuat xidmətinə istinadən xəbər verir ki, Kəramət Hüseynov yığmadan kənarlaşdırılıb.

60 kq çəki dərəcəsində mübarizə aparan Hüseynov zədədən əziyyət çəkir. Millinin baş həkimi, performans direktoru və məşqçilər korpusunun müzakirəsindən sonra onun Parisdə keçiriləcək Böyük Dəbilqə turnirinə aparılmaması qərara alınıb.

Fransadakı turnir 4-5 fevralda keçiriləcək.