Cüdoçumuz Məmmədəli Mehdiyev Təl-Əvivdə keçirilən “Böyük dəbilqə” turnirində qızıl medal qazanıb.

Newsport.az-ın məlumatına görə, 90 kiloqram çəki dərəcəsində çıxış edən təmsilçimiz finalda  Serbiya idmançısı Nemanya Maydova qalib gəlib. 

Mehdiyev yarımfinalda Erlan Şerovu (Qırğızıstan) 1/8 final mərhələsində Nadav Zuratı (İsrail), 1/4 finalda Yersultan Muzapparovu (Qazaxıstan) məğlub edib.

Komandamızın digər üzvü Zelim Kotsoyev (100 kq) isə yarımfinalda gürcüstanlı İlya Sulamanidzeyə məğlub olub. O, bürünc medal uğrunda mübarizə aparacaq. 

Qeyd edək ki, yarışa 9 idmançı ilə qatılan komandamızın aktivində iki medal var. Hidayət Heydərov (73 kq) qızıl, Yaşar Nəcəfov (66 kq) isə gümüş medallara sahib olublar.