"Azarkeşlər kimi hamımız qələbə və növbəti mərhələyə yüksəlməyi gözləyirik. Lakin hər zaman olduğu kimi oyuna mümkün qədər hazırlaşmalıyıq. Komandanı təhlil edəcəyik və planlaşdırdığımıza nail olmaq üçün əlimizdən gələni edək”.
Newsport.az-ın məlumatına görə, bu sözləri Serbiya "Partizan"ın futbolçusu Svetozar Markoviç Konfrans Liqasının 3-cü təsnifat mərhələsində "Sabah"la ilk oyun öncəsi keçirilən mətbuat konfransında deyib.
O, "Sabah"ın yaxşı komanda olduğunu vurğulayıb: "Onlarda hücum bir az fərqlənir, yarımmüdafiə və sol cinahları yaxşıdır. Digər oyunçuları da təhlükəlidir. Biz oyuna maksimum köklənməliyik".
Qeyd edək ki, bu gün keçiriləcək "Sabah" - "Partizan" görüşü saat 21:00-da başlayacaq.