"Qarabağ"ın futbolçusu Adama Diakabi "Gent"lə matçdan sonra jurnalistlərin suallarını cavablandırıb.

Newsport.az 26 yaşlı vingerin müsahibəsini diqqətinizə çatdırır:

- Çox yaxşı oyun oldu, layiqli qələbə qazandıq. Qarşıda bir matç da var. Növbəti mərhələyə keçmək üçün əlimizdən gələni edəcəyik. 

- Meydana daxil olduğun zaman tribunalarda coşqu var idi. Bunu hiss etdin?

- Bəli, hiss edirdim. Elə futbolçuyam ki, bu cür atmosferdə, belə azarkeşlərin qarşısında oynamağı sevirəm. Mən oyuna girərkən azarkeşlərin etdikləri çox xoşuma gəldi. Bu da mənə motivasiya oldu. 

- Bu cür ab-hava gözləyirdin?

- "Qarabağ" azarkeşləri çox yaxşıdır. Komanda yoldaşlarım onlar haqda mənə məlumat vermişdilər. Azarkeşlərin qarşısında oynamağı həyəcanla gözləyirdim. 

- Cavab matçı ilə bağlı fikirlərin necədir? Əsas heyətdə oynayacağını gözləyirsən?

- Təbii ki, bu, baş məşqçimizin qərarıdır. Formamı bərpa etmək üçün hamı mənə kömək edir. Addım-addım formamı yığıb komandama daha çox kömək etməyə çalışıram. Son qərar baş məşqçinin olacaq.